ائتلاف 2026 · انتخابات الكنيست
صوتنا هو طريقنا للتغيير. كل صوت بيفرق.
مبادرة غير حزبية لتعزيز المشاركة الديمقراطيةأربع سنوات وإحنا بنسأل نفس السؤال: لوينتا؟
بنسأل لأنّا بدنا تغيير حقيقي, واقع أفضل، وصوت مسموع، وتمثيل بيعبّر عنا. بس السؤال لحاله ما بكفّي.
اقترب وقت القرار، وصار بإيدنا. المشاركة بالانتخابات هي الطريق لتحويل السؤال لفعل، والصوت لتأثير.
يوم الانتخابات، كل صوت بيصنع فرق.
واقفة عَ صوتك
هاي المرة كل صوت مهم.
القرار صار بإيدينا, وإنتوا جزء منه.
تطوّعوا معنا
كونوا جزء من الحملة اللي بتوصل لكل بيت، وبتشجّع مجتمعنا على المشاركة. كل إيد منكم بتفرق.
سجّلوا تطوّعكم
من نحن؟
ائتلاف 2026 تحالف من حركات, مبادرات, مراكز أبحاث ومنظمات المجتمع المدني، بجمعنا هدف واحد: تعزيز مشاركة المجتمع العربي في الحياة السياسية.
نعمل على رفع نسبة التصويت من خلال حملات ومحتوى وأدوات تسهّل على الناس الوصول إلى صندوق الاقتراع , ضمن إطار غير حزبي، هدفه تعزيز الديمقراطية والمشاركة، لا توجيه الناس إلى جهة معيّنة.
أن يكون صوت المجتمع العربي مسموعًا ومؤثّرًا. نؤمن أنّ المشاركة حقّ، وأنّ كلّ صوت قادرٌ على تغيير الواقع.
مسيرة الائتلاف — 10 سنوات
من انتخابات لانتخابات، اشتغلنا سوا — مؤسسات مجتمع مدني ومتطوّعين — بحملات ميدانية من بيت لبيت، وحملات إعلامية، وصناعة أجواء انتخابية بترفع نسبة التصويت بمجتمعنا. هاي أبرز المحطات:
-
17 أيلول / سبتمبر 2019
انطلاقة العمل الميداني
أولى محطات الائتلاف: حملة قرع أبواب من بيت لبيت وصلت للعائلات ببلداتنا، رافقتها حملة إعلامية واسعة وأجواء انتخابية محفّزة بالشوارع والساحات، برسالة واحدة: صوتك حقك وطريقك للتأثير.
-
2 آذار / مارس 2020
التصويت بيقلب الموازين
واصلنا العمل الميداني بيت بيت وحارة حارة، مع حملة إعلامية وأجواء انتخابية بكل البلاد — وارتفعت نسبة التصويت بالمجتمع العربي لأعلى مستوياتها منذ سنوات طويلة، وأثبتنا إنّو صوتنا لما ننظّم حالنا بيفرق فعلًا.
-
23 آذار / مارس 2021
صامدين رغم التحديات
بظلّ الجائحة وأجواء الإحباط، ما وقفنا: طوّرنا أدوات جديدة للوصول للناس، بالميدان وعلى المنصّات الرقمية، وذكّرنا كل بيت إنّو الغياب عن الصندوق ثمنه غالي، والمشاركة هي طريق التغيير.
-
1 تشرين الثاني / نوفمبر 2022
كل صوت أمانة
حملة شاملة جمعت القرع على الأبواب مع إعلام رقمي وأجواء انتخابية بعشرات البلدات، وشبيبة متطوّعة قادت الحراك بمجتمعاتها — لنقول بصوت واحد: مصيرنا بإيدينا وكل صوت بيفرق.
-
27 تشرين الأول / أكتوبر 2026
واقفة عَ صوتك
انتخابات وجودية لشعبنا. كل صوت مهم لتقرير مصيرنا ومستقبلنا.